http://hk.news.yahoo.com/article/091104/4/f0gs.html
(明報)2009年11月5日 星期四 05:10
【明報專訊】買股可以透過衍生工具來對冲，原來物業市場也可以。在金融界擁有逾30年實戰經驗、人稱「陸叔」的著名股評家陳永陸，交易日在電台主持《人生交叉盤》做到街知巷聞，近年樓市暢旺，善於股票投資的「陸叔」亦忍不住投資物業，去年海嘯前以2300萬元買入銅鑼灣 東角中心約2000方呎商業樓面，以便「對冲」現時月租10萬元的中環 中心辦公室，誰知去年底全球金融海嘯爆發，商廈市場一度被打殘，至今年樓市復蘇，於4月以2500萬元轉售，扣除使費仍淨賺約100萬元，足夠支付辦公室10個月的租金。
2300萬買銅鑼灣商廈
坦言並不擅長物業投資的陸叔，股票是其最主要的投資項目，現時僅將十分之一的資產投資物業，包括灣仔會景閣的自住單位及同層另一個收租單位。「我已經住喺會景閣大大話話有約20年，其後買多間畀我仔女自住，由於佢地依家喺晒外國，暫時作收租用途。」
自言投資物業並非自己那杯茶的陸叔，1997年前曾因投資物業損手。「約1995年至96年我買咗兩間羅便臣道樓收租，點知一個亞洲金融風暴，個日本 同韓國 公司租客就唔見咗人，到2002至至03年因想套樓換股，結果其中一間喺02年賣出，蝕咗兩成……雖然另一間到2008年以約630萬元售出，帳面仲賺咗成100餘萬元，但我覺得投資物業……It's not my cup of tea！」
雖然不是自己杯茶，但陸叔仍再接再厲，於去年3月以2300萬元買入東角中心約2000方呎收租。「我租中環中心，每月租金約10萬元，1年唔見成百萬元，心想見樓市幾好，決定買入商廈收租以便作對冲之用。」「點知舊年金融海嘯，商廈樓價急轉直下，到今年3月有代理話有人出價想買，心想有得賺就走，結果喺4月以2500萬元轉售，扣除使費大概只係賺咗100萬元，依家商廈又炒到好貴……」
澳洲 買樓 匯價賺五成
雖然在港物業投資成績不算彪炳，但海外投資物業卻因無心插柳而賺大錢。「我今年4月喺澳洲買咗層樓，諗住畀仔女用，買嘅時候都係80萬澳元，但點知到最近澳元升值成四至五成，仲要第一個國家行出嚟加息，層樓淨計幣值上升已經大賺……所以話跌市時毋須過分悲觀，買樓同買股一樣，最緊要係願賭服輸！」
雖然現時股評人多如恒河沙數，但年約50多歲的陸叔仍然在行內屹立不倒，自然有其個人魅力，令一眾股民臣服。「我40歲先出嚟做獨立股評人，其時喺社會都打滾咗十多年，人嘅閱歷同經驗自然有助投資。」
撰文﹕陳天賜、陸振球
攝影﹕劉焌陶
没有评论:
发表评论