調查﹕四成港男理財唔畀太太知

http://hk.finance.yahoo.com/news/%E8%AA%BF%E6%9F%A5-%E5%9B%9B%E6%88%90%E6%B8%AF%E7%94%B7%E7%90%86%E8%B2%A1%E5%94%94%E7%95%80%E5%A4%AA%E5%A4%AA%E7%9F%A5-212259047.html

 

【明報專訊】富達基金啱啱發表一個男士投資研究報告，訪問咗530名年齡介乎25到54歲嘅香港男士，發現當中差不多九成人唔介意太太賺得多過自己，但就有四成人完全唔想畀太太知道自己嘅投資情况。

另外仲有兩成都係「輕輕介意」，而且愈係高收入嘅男士，就愈唔鍾意太太參與甚至支配自己嘅財務計劃。

其實男士擔心都唔出奇，好似呢排咁嘅市，如果等太太知道自己買咗邊隻股票，相信近排都冇安樂飯食。

但負責呢份報告嘅富達香港區機構業務主管陸劍平就話，男士太過注重自己嘅財務私隱未必會係一個好事，尤其退休計劃更加應該以家庭為單位，雙方坐低慢慢傾，一齊決定點樣投資。如果唔係，就可能遇到因為雙方都係進取型投資者，而將整個家庭嘅錢全部擺喺同一個筐入邊，造成風險太過集中嘅情况。