1) 何謂期指

http://space.uwants.com/html/64/1315664-317972.html
1) 何謂期指


期指是期貨的一種, 它預期現貨市場(恒生指數)的方向.期貨指數合約（簡稱“期指”）便是期貨合約的一種。期指買家若看好恆生指數後市持續向好，他可以在交易所買入期指，到月底結算日（即該月最後一個交易日前的一個交易日）平倉時，若恆生指數高於其合約買入價，則他便可以收取買賣差價的利潤。期貨可以買入(升你有錢賺)及沽出(跌你有錢賺)。期指係個個交易日都有得Trade, 可Trade既時間係由09:45-12:30, 14:30-16:15 (每月最後交易日會係至到16:00).

- 即月期指, 即係即月, 而家係2用, 即月即係2月, 下月期指係3月

- 到左下一個月, 即月期指就係3月

- 同一時間可供你Trade既期指有四個月份

- 例如而家, 有得Trade既月份係: 2, 3, 6, 9

- 到左4月Expiry左, 有得Trade既月份係: 5, 6, 9, 12

= 到左6月就會係: 7, 8, 9, 12

- 計既月份係 (月, 下月, 季, 下季), 季既意思係(3, 6, 9, 12)

同埋而家買期指要比幾多保証金, 按金方面, 可以睇番以下網址, 我唔多講了

http://www.hkex.com.hk/tradinfo/futuresmargin/margin_c.htm

期指定價:買賣價：以市場價決定，若多人看好，買賣價會高於恒指，稱為高水，反之多人看淡，買賣價低於恒指，稱為低水。所以恒指只作為參考，由買賣者在市場出價。

結算價：用該月的最後一日，以恒指當日的平均價作結算，若你買或賣了該月的期指，便要以這結算價計賺或賠。

2) 期指有乜類別?

a - 大期, 恆生指數期貨, 買一張, 賺一蝕一點, 等於賺或蝕50蚊, 按金 $54,935

b - 細期, 小型恆生指數期貨, 買一張, 賺或蝕一點, 等於賺或蝕10蚊, 按金 $10,987

仲有你不單可買期指,還有國指, 所以也可分為期指及國指(H股指數期貨:按金 $23,006)!

佣金：一手約數十至百餘元(過夜及不過夜佣金不同，過夜(超過一日)較費)。

3) 何謂期指高水/低水

期指高水表示預期恒指將會上升, 所以期指高過恒指.相反, 低水代表恒指走勢轉壞. 但必須留意, 公司公佈業績後, 如滙控和長和系, 期指都會大低水, 因為期指己預期公司扣除股息後的變化. 今月期指代表 預期今個月的恒指走勢, 成交十分活躍, 因為較近期, 所以容易預測.下月期指代表 預期下個月的恒指走勢, 成交並不活躍, 因為較遠期, 所以不容易預測, 但大致同即月相同.

4) 期指本質與投資心得

期指是一種 零和遊戲(zero sum game), 一方看好 必有一方看差. 即係話一方嬴必有一方輸,他不同於股票是有增長的投資,期指而相方的角力,但又未至於投機.如果你想玩期指, 先玩掂股票吧!!!!! 期指可唔可以反映後市, 我沒有做過研究, 不過好多所謂投資專家會用期指睇後市, 至於怎樣預測, 多數會用高低水, 對基金來說期指可以對沖手上的恒指成份股風險,做FINANCIAL PRODUCT時也要持有期指對沖!所以即使是ZERO GAME,大戶也會玩,仲要計好玩多少來分散風險!

期指可以即日買賣,即係即日鮮~! 好多人都會做即市Trade, 好少人會買長線, 因為風險不少!(換句話講, 即月期指最多人Trade, 往後既月份比較少)而交收方面, 係即日既你今日Trade, 贏左輸左既錢都會直接後你個期貨戶口度增減

未平倉合約, 或成交量等 ..其實從1986年有期指呢個玩法到現在, 期指的成交量和未平倉合約不斷增加, 所以十九萬不足為奇, 遲d 可能過二十萬, 這是一個趨勢 .未平倉合約可以說是有多少力量看升, 而同時又有另一力量看跌.

沽空額時以係呢個網頁睇到..

http://www.hkex.com.hk/tradinfo/todaynews/news_c.htm

5) 期指戶口。

期指的買賣和股票相似，但需要在一些有期指買賣的地方開戶口

例如：輝立證券，時富證券，大幅證券，信誠證券，京華山一證券，

．．．等等....(有股票買賣不等於有期指買賣。)

參考資料


http://hk.knowledge.yahoo.com/question/question?qid=7007022103418